Ka Jaiñtia Youth Federation-Central Body (JYF-CB) da beiñ joor ko ya i klam u Montri Rangbah ka Assam, u Himanta Biswa Sarma hajrong i kam yong oo wa ka chnong Mukroh em ko hapoh Assam.
Ka seiñ da ong ko wa ini i kam yabor ya ka Mukroh toh iwa bakla wei kawa toh ka hok kynti yong ka Meghalaya wei hawa yatoh wa kani ka bynta, neiliang yong ka seiñ JYF daw lai yachem ko leh ya ka JHADC wa ya ki bor District wei leh ya ki bor sorkar yong ka Meghalaya.
Ka JYF da ong ko wa yieñ skem ko ha ka yurim wa ki thaw ki bhaw kiwa man hok yong ka jylla Meghalaya kiwa em ha ki Block 1 wa 2 ym toh u lai ki cha ka Assam.
