Shillong: Ynnin ka sngi hadien wa yooh kjat Union Information and Broadcasting Minister kamjooh kawa yahkhmat ka BJP ka Smriti Irani ha ri-loom Garo, hei janmiet won da lai emlang ko ha ki artylli ki yalang yalap Election wa pynman ha R.R. Colony neibynta u kyrtong ka BJP u Ernes Mawrie na Nongthymmai wa ya u JA Lyngdoh na North Shillong ha ka yalang wa pynman ha Jail Road.
Hei klam yong ka da kynthah joor ko ya u Home Minister HDR Lyngdoh yeiwa jia hapoh ka Marvelene Inn kawa pyllai da kiwa hayung u HDR heiwa da chah slaitbor ka khynnah kynthai ha u MLA ka Mawhati u Julius Dorphang.
Da ong ko wa ki bor wa toh u pait ya ini ym em pynchitom ki ya ki tre ka Marvelene Inn wei da kyruiñ ki cha kawi tawon ka liang.
Da beiñ ko leh ya ka sorkar Congress wym ye ko u pynbiang ya ki um dih wa biang, ka bordiñ wa tikna, ki thaw sumaar wa biang hadooh ya kiwa kjut ha ki chnong khappood da rah ki ya kiwa kjut chadooh cha Bangladesh.
Da yaroh won ko leh ya u Montri Rangbahdooh ka ri yeiwa chna hadooh 4 lak tylli ki paikhana ha skur sorkar wa 6 klur tylli won ki paikhana ha kylleiñ ka ri nadooh wa wan u heibor.
Da kam ko leh wa da wai 31 Klur tylli ki Bank Account nadooh u snem 2014, heiwa da pyllai bait ya ki Subsidy cha ki Bank Account ki wa dooh wei la 3 Klur ngut ki kynthai da yoh ki u pynemkaam ya ki kum Gas wa saam mynkna.
Discussion about this post