Shillong: Ka Assembly Committee on Women Empowerment da chim ko yaka rai wow phah hajir yaka SP ka East Khasi Hills, Officer In-Charge Madanrting Police Station, Investigating Officer, Medical Superintendent of Ganesh Das Hospital, Counsellor, Child Welfare Committee and Child Protection Officer wow wan mih ki haka 6 tarik uni u bnai heiyatoh wa i chah pynbaad slaitbor ya kawi ka kynthai wa dang 14 snem i rta.
Ya kani ka rai da chim haka yalang wa khlieh daka Chairperson ka Committee kawa man leh ka East Shillong MLA, ka Ampareen Lyngdoh ynne ka sngi.
Ka Committee da beiñ ko yei lehstiñ ki pulit kamjooh ki doctor heiyatoh wa ini wa jia.
Ini i slaitbor da jia i haka 29 tarik u bnai nyngkong heiwa da chem ya kani ka khynnah wa da wiar yongbru ko ha Madanrting.
“Man i iwa pynkhyrngiat ya nga kam ka Chairperson ka Committee wa kani ka khynnah da chah ah ko da ki tiar wa nep, da chah kdoh ko, da chah pyndih ko da ki dawai pynmuaid wei da chem ki pulit yaka deiwa ym em yongbru de ko,” da ong ka Ampareen kawa da wan yachem leh wa kani ka khynnah haka chi tarik ha Hospital.
Da ong ko leh wa iwa pynkhyrngiat chooh chooh wa kiwa emyatoh kani ka khynnah da ong ki wa ym em chah slaitbor ko wei da leh ko ya ini da mon yong ka hi wei da batai ki leh ya ini cha ki doctor hanlada em ki kha haka.
Chooh chooh da ong ko wa ka bei kani ka khynnah da lai ujor ko haka 29 tarik heipor 5:36 i janmiet tangwa ki pulit ym bien ki wow leh yei kaam yong ki deiwa phah wan yaka haka sngi wa bood deiwa rahlang ya i dur kani ka khynnah.
Da pyntip ko leh wa da hap ko wow pyrchang bha wow phone yaka SP tangwa ym yoh ko ka wei ym yoh yutip ko leh uyi u OC ka Madanrting.
“Hadien wa yoh O ya u number OC wei manda klam wa oo, ym em itæ i chimkhia hadooh wa hap O wow pynkynmoo ya oo wa nga ym toh ka bru paidbah wei hap O wow pyneh O kajiak yow yoh yaka yutip wa biang tangwa da ong ma ong u wa hap klam O wa u IO.”
Discussion about this post