15 49.0138 8.38624 1 0 4000 1 https://wyrta.com 300 0

Beiñ ka CAG yei wym ye ka sorkar jylla u pynkrehkaam ya ka RTE
Da ki spah klur sepai ka poisa wa yoh ka sorkar jylla khamtam hei yatoh wei puræ puthi

0 Comments
Advertisement ad1

Shillong: Ka Comptroller and Auditor General (CAG) toh ka tnat sorkar pyrdi kawa laitlooid (Independent) kawa pait wa sylli yei rukom krehkaam wei rukom pyllai poisa ki sorkar jylla kamjooh leh ka sorkar pyrdi.

Ka CAG ha ka bui (report) ka yong ka da beiñ ko ya ka sorkar Meghalaya yei wym ye ko u pynkrehkaam ya ka aiñ “Right To Education Act, 2009” heiwa ka poisa wa T. 900 klur ym ye ka sorkar u pynemkaam u pyllai ka katkam wa toh u leh ko.

Advertisement ad1

Katkam i yukheiñ wa yoh ha ka yung dorbar ka sorkar jylla wa dang dep pynman; ka CAG ong ko duna kiwa sikai hadooh 1,748 ngut ha ki 224 tylli ki skur Primary iwa mut em uwi wa sikai ya ki 7,769 ngut ki khynnah wa puræ.

Ka CAG leh da kdaw kti ko yei rukom thung kreh ka sorkar heiwa 77 % kiwa sikai Primary wa 85 % kiwa sikai Upper Primary toh ki wym pu ym em yoh sikai wa biang (Training) wei ha ki 68 tylli ki skur ym em wa sikai Maths wa Science.

Ka Meghalaya ha u snem 2011-12 kiwa wan cha khmat wow puræ poi ko 96% tangwa ka sorkar ym ye ko u chim kabu yeini wei ym ye ko u pynbiang yeiwa emkaam ki khynnah.

Ka CAG leh da chem ko wa ka poisa wa da booh ka sorkar pyrdi wa T. 908.46 Klur ym em pyllait ya ka neidaw wa ka ym biang i rukom pynkrehkaam ya ki kaam wa boon jait wei wym ye leh ka sorkar u pynsakhiat ya ki kaam wa da leh ko.

Da em leh ka poisa wa T. 483.88 Klur wa sah neidaw wym ye u chna pyndep ya ki yung skur da ong ini da jia toh neidaw wym biang i pynkhreh wow chna ya ki skur kamjooh leh ym em krehlang wa ki dorbar chnong.

Ka CAG leh da ong ko wa ka sorkar ym em u chimkhia ko ya ki khynnah wa tymbuiñ wa kiwa emkaam i sikai wa rap phær kamtæ da boon wa dam skur chiteiñ por.

Ka CAG leh da pynbaad ko wa ka sorkar ym em booh kyrpang ko 25% ya ki khynnah wa wan na ki manyung wa dooh wa duk.

Kamtæ ka CAG da ong ko wa ka sorkar emkaam ko wow pynbiang ya ki “Training” ya kiwa sikai wei wow pynbiang yei duna wa sikai hapoh ka jylla.

Advertisement ad1

0 Comments

Leave a Reply