Nongpoh: Ka chnong Kynjoiñumran, Ri-Bhoi District da pynsñiaw ko yei mynsien wa pyrchah wa joor yei leh embor u Sirdar ka Mawtari Myrdon Sirdarship, u Behan Nongphlang wa da chim u ya ka rai samen wow pyndam noh ya u Rangbah Shnong khlem kynjoh ktien ya ki paidbah kiwa chong chnong ka chnong.
Ki paidbah kani ka chnong da dap ki mynsien wa chrai wa kusa hei yatoh wa ini i leh samen u Sirdar heiwa da pynsñiaw ki yei pyrchah wa chah pyndam u Rangbah Shnong wa katni wei ha ka yalang paidbah kawa da man ha ka 27 tarik uni u bnai wa da wan chim bynta da ki paidbah kiwa da rai wow pyrchah ya i pyndam ya uni u Rangbah Shnong.
Ki paidbah da beiñ joor ki leh ya u Sirdar uwa da thung da uwi tawon u Acting Rangbah Shnong khlem i tip ka Dorbar Shnong iwa pynbor ya ki wow dooh ki yei chaniah ha uni u Sirdar ha ka kaam synchaar khadar.
Kamtæ ki paidbah da rai ki wow pyrchah ya i leh uni u Sirdar wei dei wym yohsa daw ujor pyrchah ki yeini ha ki bor wa hajrong neibhah wa u Sirdar ym em de u yakrehlang u wa ki paidbah ka chnong.
Discussion about this post