Shillong: U Comfort Doloi, uwa thmu wow yakhun ya ka MLA Election na Jirang da ong u wa emkaam wow wanrah yei kylla hapoh ka Constituency, neibhah la 35 tylli ki snem ka thaiñ da yoh bait ko ya uwa mihkhmat na baar ka chnong.
Da ong u wa nadooh wa yoh ya ka jylla, ka Jirang da yoh ko du ar ngut ki bru kiwa man leh ki tre chnong kamjooh kiwa mihkhmat, kiwa kynthup ya u Snomik Kalwing wa u Gerson Lyngdoh, katwa u Hober Hynniewta, u JD Rymbai wa u MLA wa katni u Lambok Mylliemngap toh kiwa na baar ka Constituency.
Hawa yaklam wa kiwa pathai khubor ynne ka sngi u Doloi da ong u wa iwa hakhmat dooh manda jop u toh wow pynyoh ya ka Civil Sub Division ha Patharkhmah.
Chooh chooh da ong u wa kam uwa sikai skur na Patharkhmah u wa da dep yakhun ha ka election ha u snem 2013 na ka party HSPDP, wei katni yaknieh u ya ka ticket BJP wei u General Secretary ka BJP Meghalaya, u Bashai Khongwir toh u wow yoh u yakhun ya election na ka ticket BJP.
Ha iwi won i liang u Doloi da ong u wa lada ym yoh u ya ka ticket ka BJP daw lai bait chakhmat kam u kyrtong samen neibhah ki paidbah ka thaiñ hi kwah ki da u tre chnong wow man kam u MLA na Jirang.
Discussion about this post