Beiñ ka JSU ya u Ardent Basaiawmoit wa kwah pynwiar jait u ya ka jaitbru Pnar/Jaiñtia

Hadien wa ka Jaiñtia Students Union (JSU) Central Body da yoo ko neipor cheipor wa u President ka VPP, u Ardent Miller Basaiawmoit da pyrchang u wow pynwiar ya ka jaitbru Pnar/Jaiñtia na ka thup yong ka Reservation Policy kawa da jooh yoh bhah ki nadooh u snem 1972, kamtæ ka seiñ da beiñ joor ko ya oo neibhah wa hapoh Meghalaya da em le tylli ki jaitbru ki Khasi, Jaiñtia wa Garo.

Wei wot ki District Council leh ha Meghalaya em ki le tylli wa kynthup ya ka KHADC, JHADC wa GHADC wa da pynsakhiat wei tipmit da ka sorkar India.

Hawa beiñ ya u Ardent, ka seiñ ong ko wa i pyrchang pynwiar u ya ka jaitbru Pnar/Jaiñtia toh deiwa pynemkaam u du iwi i ktien itæ Khasi iwa mut wa ki Jaiñtia haap ki hapoh Khasi Tribe ymtoh Jaiñtia Tribe katkam i mut u Ardent.

Neitæ jooh pynemkaam u leh neipor cheipor yei ktien wa jooh ong u, i toh em i kawi ka jaitbru, iwa mut u Ardent ngait u em ar jaitbru donhi ki Khasi wa Garo deiwa kheiñ yap ya ka ST yong ki jaitbru Jaiñtia.

Related posts

Yoo chyrkhei ki tiar yasiat wa yoh kem na ki 17 ngut kiwa pynleh kam ki dkhot ki seiñ kieñ suloi ha Manipur

October 25, 2026

Mar ya sdang ya ka Jaintia Artist Association yoh yarap Rs.10 lak na u Sniawbhalang Dhar

October 25, 2026

Heiyatoh wa ini neiliang ka JSU da kyntu ko ya ki Jaitbru Pnar/Jaiñtia wym toh de u man du kiwa pait  wa ap donhi, tangwa u khyrngiat yong bru noh leh yaboi chah pynwiar pathan ka jaitbru neini na sla pyrthai.