U Asstt. Inspector General of Police (A), Meghalaya da pyntip u wa uwi u dkhot ka Hynniewtrep National Liberation Council (HNLC) uwa tip kam u Samuel Wahlang Pahsyntiew uwa chong chnong ka Umpohwin, Ri-Bhoi District da wan pyndem u hakhmat u SP ka Eastern West Khasi Hills District, Mairang haka 25 tarik uni u bnai deiwa emlang kiwa ha-yung ha-sem, ki bor chnong wa ki heh pulit.
U Samuel toh uwa da suba wa emkti hei tympdung IED Bomb ka Bus Stand wa em hajan ka Them Mator (Harijan Colony), Iewmawlong, Shillong iwa da jia ha ka 9 tarik u March 2024 wei da suba leh wa emkti u ha kiwi kam kini ki jait kaam ha ki kattu katni snem wa da lai.
Hawa kylli takit oo, da khana u wa oo deilang wa ki kattu katni ki dkhot ka HNLC wa em ha Bangladesh da yaleh ki wow phon ya ki khynroo yow man ki kam ki dkhot ka seiñ ha ki ar snem wa da lai.
Deiwa tip yeini, ki pulit da Register Case ki deiwa pynngat hapoh ka kyndon 3(5)/61(2)/113(1)(2)(3)(4)(5)(6)(7)/147/148/308(1)(3)(4)/351(2) ka BNS wei ar ngut kiwi kiwa suba wow lai phon bru yow man dkhot kamjooh yow lai booh ya u IED Bomb ha yaaw Umsning ha ka 12-10-25 dadep wow kem ki na Umsning heiwa ka takit dang lai ko.
Da pyntip wa da leh yeini waroh katkam ki kyndon ka Surrender Policy ka sorkar jylla.
Discussion about this post