Beiñ ka liang pyrchah ya ka sorkar pyrdi wa pynslem ko ya ka poisa yarap cha ka jylla

Shillong: Uwa yahkhmat ka liang pyrchah u Dr. Mukul Sangma da beiñ u ya ka sorkar pyrdi wa kset ko ya i yarap poisa cha ka jylla, wei yeini da ong u hawa yaklang ha ka Special Motion wa rah u MLA ka Congress u PT Sawkmie ha yung dorbar ynne ka sngi.

Da klam hajrong ki kaam pynroi ha kylleiñ ka jylla wa i yarap poisa na ka sorkar pyrdi wei wow booh thong wow bhah ya ka mang poisa cha waroh ki khatwi district ka jylla.

Hawa kdaw ya waroh i chitom poisa ka jylla, da kyntu u ya ka sorkar pyrdi kawa da kset ya i yarap poisa cha ka jylla kam ka NEC wa ka Non Lapsable Central Pool of Resources.

Hawa ong wa ka election 2019 da jan bha ko, u Mukul da ong u wa ka sorkar pyrdi da ksoh ko ya ka poisa wa da mang ya ki jylla iwa da ktah ya ki jylla wa khian kam ka Meghalaya.

Da ong u wa ka dorbar toh u chimkhia ko wow dawa na ka sorkar pyrdi wow pynlait noh ya ka poisa.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Da beiñ u ya ka sorkar jylla deiwa ong wa yooluti u wow paan yarap ko na ka sorkar pyrdi wow pynkylla ya ka jylla tangwa yoo u wa suki ko kiaw boi wa tieñ ko ya u Modi.

Da beiñ u ya ja sorkar pyrdi deiwa ong “Bolta kuch aur, karta kuch aur.” namo iwa mut klam ko deiwi leh won ko deiwi wei ym em leh ko iwon iwon hajrong ka Act East Policy kawa yah da ka sorkar UPA ka Congress.