theme-sticky-logo-alt
theme-logo-alt
Advertisement ad1
Advertisement ad1

E yarap ka Ephphatha Society cha ki 35 ngut kiwa emkaam ya i yarap wa kyrpang

Advertisement ad1
Advertisement ad1

Ynne ka sngi seiñ kawa pait neibynta i bha i miat ki bru kiwa emkaam ya i yarap wa kyrpang (Persons With Special Needs) ya kawa tip kam ka Ephphatha Society da e yarap ko ya ki 35 ngut ki bru ha ka chnong Umsatai, Ladwahwapung, Deiñsatlang wa Pynurkba kiwa em ha East Jaiñtia Hills District.

Chwa wow yoh u saam ya ki marbaam wa kynthup ya u khoo, sallah wa u dai da yoh yei klam pdiang burom na wa i e khublei na ki Waheh Chnong yong kini ki chnong kiwa kynthup ya ki ASHA wa ki Anganwadi. 

Advertisement ad1

Neiliang ki bei ki pa yong kini ki khynnah da dap ki dei mynsien wa lung hajrong i wan e yarap ka seiñ ya ki deiwa pynsñiaw wa ini i wan ka seiñ da pynyohbor ko ya ki. 

Ki manbei manpa da e khublei ki leh ya ka Society heiwa da man ko ka sien wa nyngkong wa da em kam ka kawa da kyruiñ cha ki khon ki kti yong ki kiwa emkaam yarap wa kyrpang deiwa kitbok leh ya ka seiñ wow ye ko u tia chaphrang ha ki kaam yong ka. 

Ka Faithfulness Siangshai kawa man leh kam ka Finance Officer yong ka Society da e khublei ko ya ki khon ka seiñ wa ya kiwi ki lok kiwa da e yarap kyllooid mynsien neibynta ini i kaam. 

Kani toh katkam ka Wyrta na u Heipor Uni Bang uwa man kam u Media Operator ka Ephphatha Society.

Share this:
Previous

Da em chwa i pynbait nadooh wa sdang wow yabhah yei man Montri ki MLA ka BJP: Conrad

Next

Beiñ ka MEPA yei chah kem kiwa pathai khubor ka jylla ha ki pulit ka Assam