Beiñ ka MPUF ya ka EC u Thombor Shiwat

Jowai:Ka seiñ Meghalaya Peoples’ United Front  da pynsñiaw ko yei chrai wa joor pyrchah yei wymhoi i rukom krehkaam ki Executive Member ka JHADC.

Da beiñ ka seiñ ya ka Executive Committee neidaw wym ye ko u thooh ki laad næ wow yaphyllu yumut wow wanrah ya ka aiñ kawa biang wow yada ya ka jaitbru heipor wa pynman ya ka dorbar ka Council.

ADVERTISEMENT

“Sñiawsih u yoo wa ka yung dorbar ka JHADC ym jooh neh ko palat ya ka ar kynta; wei man ka sngi kam ki seiñbhalang kwah i u yachem wa u C.E.M ka JHADC wow yaphyllu yumut hei yatoh wa kiwa boon ki liang, u C.E.M won ym empor u wow yachem wa i” da ong ka seiñ.

Da epor u CEM wow yachem wa ki paidbah du hadooh 2 waje katwa oo won wan u 1:00 waje da ong ka seiñ.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Ka seiñ da pynkynmoo ko wa da e dorkhat ko cha u C.E.M ka JHADC lyngba ka secretary ka E.C. neidaw wym empor u wow yachem wa ka seiñ wei wot hadooh ka yalang wa khut ka KHADC leh ym em wa wan mih khmat na ka JHADC neibhah kani ka yalang toh neidaw wow pynim ya ka jaitbru, lada toh neibhah ka poisa ka JHADC daw embynta bait ko.

Hei yatoh wa ka jaitbru won ka seiñ da beiñ ko ya ki MDC ka JHADC neidaw wym ye ko u chna ya ka aiñ kamwa chna ka GHADC ya ka Garo Customary Bill 2009.