Ka Meghalaya Pradesh Youth Congress (MPYC) da beiñ ko ya ka sorkar Meghalaya Democratic Alliance (MDA) ha kiwa boon ki kaam wa tkoh khamtam i wymye wow kdoh yei ku dor ki tiar wa emkaam wa ki marbaam, kamjooh leh i tkoh krehkaam ha kiwa boon ki liang.
Ki khynroo ka Congress da dawa ki na ka sorkar wow leh iwon iwon wut-wut neibynta wow pynlait ya ki paidbah na i eh i khoo wa ku dor, deiwa pynsñiaw wa kani ka sorkar toh du kawa neibynta ki heh spah, katwa kiwa khian dang dooh.
Chooh chooh ki heh ka MPYC da beiñ ki ya ka sorkar heiyatoh wa i wymye wow pynbiang ya i su nong cha kiwa sikai, ki ASHA, kiwa kreh Mid Day Meal wa kiwa kreh ka MCCL kiwa da sdang biang wow pynman yakhih.
Neiliang kini ki heh khynroo ka seiñ da ong ki wa lada ka sorkar ym kwah ko wow sñiawthooh yei emkaam ki paidbah, toh ki paidbah hi ki wow jubab ya ka sorkar ha u snem 2023.
