Kiwa yahkhmat ka Synkhong Rympei Thymmai (SRT) da beiñ joor ki yei ong u CEM wa u EM ka chnat Elaka ka KHADC hajrong i pyndooh Schedule Tribe Certificate ya ki Khasi wa chim yei jait u pa wei da beiñ leh ya u CEM uwa da phah ya ki waheh chnong wow e ya ki Certificate neibhah ini da tyngkheiñ ko ya ka aiñ Khasi Custom Linage Act.
U Teibor Khongjee da ong u wa ini da ktah ko yei longbru manbru khamtam ya ki khon Khasi kiwa chim yei jait u pa wei i klam yong u MDC wa u CEM man iwa yahbakla, wei da pynrap chooh chooh wa i phah ya ki waheh chnong man ko pyrchah ya ka aiñ neibhah ym embor ki wow e Certificate.
Da pynkynmoo u wa ha u snem 2018, ka KHADC da phah ko yei pynkylla namo ka Amendment hajrong ka Clan Bill wei ha itai i por chiboon ki phang wa da kdaw ki yei chah chilliang kawa man pyrchah ya ka Constitution wei u Lat ka jylla ha itu i por hadien wa da pait bniah ya kani ka Amendment da kdaw u wa ini da man ko i yoohbeiñ yei hok yong uwa chong chnong.
U Teibor da ong u wa boon ki phang kiwa ka KHADC da rah ko cha u Lat ka jylla wei kini ki phang ym man ki kiwa biang kamtæ ini da pynyoo che wa ka KHADC ym em leh Homework bha ko.
