15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Beiñ ka TUR yei chah beh kreh kiwa thoh khubor ka Shillong Times

Advertisement ad1

Ka Thma U Rangli Juki (TUR) da beiñ joor ko ya kiwa pynlai yaka The Shillong Times kiwa beh kreh pyrchah yaka aiñ ya ki le ngut kiwa thoh khubor (Senior Journalists), kitæ u EM Jose (News Editor), Nabamita Mitra (Features Editor) wa u Dipankar Roy (Executive Editor).

Ka TUR da ong ko wa ini i beh kreh khlem da pyntip deiwa biang deiwa e ya ki daw kiwa biang man ko pyrchah waroh ki aiñ kreh namo ki aiñ laad pathai khubor (Labour & Press Laws). Chooh chooh da ong wa ka The Shillong Times man ko kawa mahajon dooh na ki laad pathai khubor hapoh Meghalaya kawa yoh boon dooh ki Advertisement na ki bru samen kamjooh leh naka sorkar jylla.

Kamtæ ym em yurim wow e daw yaka khlam COVID-19 wow leh ya ki kaam pyrchah aiñ kiwa pyrchah ya kiwa thoh khubor.

Chooh chooh da ong wa kiwa pynlai ya kani ka kotkhubor da ah tulop chwa ki deiwa e daw wa em ka khlaam. Tangwa kiwa pynlai yaka The Shillong Times wa kynthup yaka Editor da ood ki hadien wa chah pynman Containment Zone yaka yung krehkaam kani ka kotkhubor deiwa ong wa ini man ko pyrchah yei hok namo i laitlooid ki laad pathai khubor wow leh yei kaam yong ki. Tangwa i hok ym toh wa em hok kiwa pynlai yaka khubor wow beh wow thung katwa ngait wei ini i hok toh wow yada yei hok yong kiwa thoh khubor.

Ka TUR da dawa ko wow thung kreh biang ya kiwa chah beh wei wow su leh deiwa biang kam ka bai pynchitom yaki kamjooh i ah tulop.

Ka TUR yieñlang ko wow e yarap leh heiyatoh waki aiñ kamjooh leh e ki yei kyrchaan ya kiwa pyrchah ya ini da ki para wakreh yong kiwa chah beh.

Ka TUR da kular ko leh wow e yarap khamtam hawa yatoh waka aiñ cha waroh ki wakreh khubor kiwa chem chitom ha kini ki por.

Share this:
Previous

Da pynbna yaki yung wa em ha Bishnupur wa Laban kam ki Micro Containment Zone

Next

La 1.40 lak ngut kiwa da dep yoh COVID-19 ha Assam, 78.93% kiwa da chait