15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Da pynbna yaki yung wa em ha Bishnupur wa Laban kam ki Micro Containment Zone

Advertisement ad1
Advertisement ad1

Shillong: Neidaw wa em wa yoh COVID-19 kamjooh wa em kiwa em hei maa wow yoh ya uni u khñiang wei yow ye u leh yeiwa emkaam yow booddien ya kiwa ye u yoh ya uni u khñiang wei wow yada leh yaka imlang sahlang.

Ka District Magistrate ka East Khasi Hills da pynbna ko ya i yung u Victor Bhattacharjee wa em ha Wahdienglieng, i yung (Building) u Deepak Dutta, Bishnupur Inverneil wa em pyrchah yaka Gate ka Circuit House wa i First Floor i yung (Building) ka A.M. Rynjah, Madan Laban (Shilliang) kam ki Micro-Containment Zone nadooh ka 12 tarik uni u bnai yow khang yei psiah i mih khlem yoh bor cha kini ki thaw.

Ka Deputy Commissioner, East Khasi Hills District da pynmih hukum ko leh ynne ka 12 tarik yow phah khang ya i dukan Grocery Shop- Sherdalin Lyngdoh, Laloo Cable- Yolande Laloo, Fast Food- Sianmon Talang wa i Grocery Shop – Reliancy Marwein wa em ha Upper Level ka Pavitra Joshi Compound, Pdeng Shnong, Lower Mawprem wow man ki kiwa khang hadooh wa pynmih hukum da kamwi.

Ha kawi tawon ka hukum, ka District Magistrate, East Khasi Hills da pyndam ko yaka hukum pynman Containment Area ya i yung (Flat) u Vinod Khemka wa em ha i yung (Building) ka B. Khongwir, Dunhill Road, Harisabha, Laban nadooh ka 12 tarik uni u bnai.

Share this:
Previous

Thung ka sorkar yaki sahep wow pait yaki kaam ka National Commission for Protection of Child Rights

Next

Beiñ ka TUR yei chah beh kreh kiwa thoh khubor ka Shillong Times