Beiñ u Conrad ya u Sunil deiwa ong wa da pynyang da ka aiñ wei toh u paan maap u

U Montri Rangbah ka jylla, u Conrad K Sangma da beiñ joor u ya u Sunil Deodhar uwa da klam pyrchah ya ki Christan wa yaka jylla wei da pynpoor u leh ya i Video wa klam u haka yalang yong ka Indigenous Faith Conference ha Pynther, East Khasi Hills.

U Conrad da ong u wa ini i klam toh iwa yahbakla wei ymtoh iwa sakhiat heiwa i klam u toh i wym ye wow pdiang neibhah wa man i klam pynchit ya ki paidbah.

Chooh chooh da ong u wa ka sorkar da chimkhia ko heiwa u Sunil toh u pyndam u yeini i klam wei wow paan maap u na ki paidbah hajrong i klam wow phiah ya ka imlang sahlang wei ka sorkar daw chimkhia ko wa kam ini ymtoh de u mih ki.

Da ong u wa u Symbood Montri Rangbah, u Prestone Tynsong da tip u yeini wei da yaklam ka sorkar ynnin wa ynne heiwa da sdang wow leh yeiwa emkaam katkam ka aiñ.

Related posts

Dang lait 6 tylli ki Seat neibynta ka Spoken English Course-Evening Batch wa pynman ha EduCareerPoint Skills Training & Career Counselling Jowai

September 10, 2026

Chah tympiah i Office ka Congress ha Assam hadien wa kyntait wow e Ticket ya u dkhot

September 10, 2026

U Conrad da kyntu u ya ki paidbah wa kam ki Christan ymtoh u pynuiñ ktien ki wei wow em i mynsien wow maap deiwa pynrap wa ka sorkar daw leh ko yeiwa emkaam katkam ka aiñ wei toh u paan maap u neibhah da klam u ki kyntien wow phiah ya ka imlang sahlang. 

Ha iwi i liang u Conrad da ong u wa ka sorkar nadooh wa sdang da kyrchaan ko ya waroh ki jait ngait niam, ki jaitbru waka imlang sahlang waroh kawi, heiyatoh wa ki niam tynre kani ka sorkar da e ko boon ki Scheme wa i yarap wei kiwa yahkhmat ki tip bha ki.