Uwa yahkhmat ka TMC uwa man leh u Montri Rangbah warim ka jylla, u Dr. Mukul Sangma da kynthah u deiwa eh yei leh yong ki pulit ka West Garo Hills hapoh i hukum ki Politician wa em ha ka bor wow thaad ya ki bru kiwa chah kem deiwa pynyatoh wa ki seiñ saaiñ pyrthai hanla ini i leh toh hapyrdi samen samen.
Hawa klam ynne ka sngi wa kiwa thoh khubor da ong u wa ini i leh toh iwa pyndooh burom ya ki jaitbru Garo. Da ong u wa toh wow takit bniah yeiwa jia wei ki pulit ymtoh u chah wow pynemkaam bakla ki ha ki bru wa em hei bor.
Ini i khyrwait u Dr. Mukul ya ka sorkar wa ki pulit toh hadien wa uwa yahkhmat ka TMC, u Richard R Marak da chah kem u hajrong i chah pynbaad wa emkti u wow pynchit yeiwa jia hei miet ka 24 tarik iwa da poi chei mynsoo ki 18 ngut ki pulit ha i por wa u Montri Rangbah, u Conrad K Sangma dang pynman u yei yaklam wa ki seiñbhalang hajrong i yakhih yong ki wow dawa wanrah Winter Capital ha Tura wa hajrong i rukom pynkrehkaam ya ka Roster Reservation.
Da pynbaad u wa em i pynlai pyrchah aiñ ya u mooyong ha Garo Hills lyngba i emkti lang ki bru ka sorkar. Da pynsñiaw u wa i poor iwa thoh ha ka Social Media hei pyrtuid ka jaitbru toh du wow pynchit, iwa man iwa sih wei kiwa yahkhmat toh u pynbait ki yei eh ymtoh wow wanrah yei eh.
Discussion about this post