Beiñ u Mukul yei joor pynyoo bor ka sorkar yow tem yei hok ki paidbah

U MLA ka Liang Pyrchah, u Dr. Mukul Sangma da khyrwit u deiwa em ya ka sorkar heiyatoh wa i rukom pait wei pynbait ya ka aiñ ka kanun hawa yatoh wa i suk i saaiñ ha ki por em yakhih, heiwa da ong u wa iyi wa sñiawkhia toh kiwa toh u yada da yooh beiñ ki yei hok ki paidbah.

Da ong u wa ka sorkar hei yong sakhiat toh u pyntikna ko wow pynyoh yei hok yong ki paidbah tangwa da yoo pathan wa ka sorkar da pynemkaam bakla ko yei bor wei da wanrah yei mynsoo wot yei rukom pyrkhat ki paidbah.

Hawa yatoh wa iwa jia ha Tura hei janmiet yong ka 24 tarik u Naiynñiaw heiwa kiwa yakhih da kawang moo ki ya ka thaw wa pynman yalang u Montri Rangbah wa ki seiñ na Garo Hills, hajrong ini u Dr. Mukul da khyrwit u deiwa eh ya ki pulit wa ki bor wa toh u pait kiwa da pynngat kyndon ya kiwa yakhih la kamwa toh ki bru na ki seiñ kieñ suloi khlem da maap wot ya ki khynnah wa dang puræ.

U Dr. Mukul uwa man leh u Montri Rangbah warim ka jylla da ong u wa ini i leh yong ka sorkar da kdaw che wa ka sorkar heithaw wow pynyoh yei hok ki paidbah, da kylla pathan ko kam kawa leh ya ki kaam damok.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025