U MLA ka liang pyrchah, u Dr. Mukul Sangma ynne hapoh ka yung dorbar da yieñ u yow kdaw yeiwa tyngkheiñ yei rukom pynlai yaka dorbar katkam ka kyndon 275 (A) ka Rules of Procedure & Conduct of Business heiwa ha kani ka kyndon da ong ko wa u Montri emkaam u wow em hapoh ka yung dorbar hawa yaklam ya ki kaam wa yatoh wa oo.
U Dr. Mukul da kdaw u wa ym em u Montri Rangbah kamjooh kiwi de ki Montri sorkar lait noh uwi donhi heiwa uwa em leh ymtoh uwa pait yaka chnat wa dang yaklam hapoh ka dorbar wei ym ye ki wow mih khlem da yohbor na u Lamphang.
Tangwa u Deputy Speaker da e laad u wow lai ka dorbar chakhmat deiwa ong wa daw phah ya ki wow wan biang chapoh iwa da wanrah yei rkhai na kiwa boon.
Ini da jia i heipor wa dang klam u MLA ka Kharkutta, u Rupert Momin hajron ka phang ka mang tangka uwa da wit yeini wa chah pynthut u wei ong u wa ym yoh de u wow pyndep yei klam neidaw wa em kiwa pynthut na chiliang heiwa u Dr. Mukul da ong u wa ymtoh wa pynthut tangwa iwa leh u toh katkam ka kyndon, kamtæ u Deputy Speaker da phah pyndam u yeini wa klam u Rupert uwa da ong wa chah pynthut u.
Discussion about this post