Booddien u Conrad ya i man i long ka khlam ha Ri-loom Garo waroh kawi

U montri rangbah ka jylla, u Conrad K. Sangma ynne ka sngi da booddien u ya i man i long ka khlam COVID-19 ha ki san District ka Ri-loom Garo hei emlang u Deputy Speaker u Timothy D. Shira wa kiwi kiwi kiwa mihkhmat paidbah na ka thaaiñ. 

Ha ka yalang booddien da emlang ki Deputy Commissioner wa ki District Medical and Health Officer na ka thaaiñ kiwa da khana yei man i long kani ka khlam wei i pynkhreh wow yakhun ya ka hei emlang leh u Principal Secretary ka chnat Health u Sampath Kumar wa u Joint Secretary ka chnat Health u Ram Kumar.

Ha waroh ki District ka Ri-loom Garo da pynkhreh ya ki thaw wei i kreh neibynta ki thaw sumaar wa thymme leh dang lai i chaphrang. 

Neiliang u Sampath Kumar wa u Ram Kumar da pyntip ki yei man i long kiwa chah ktah ha uni u khñiang kjut wa i chait i khlan ki bru wa da chah ktah wei da pyntip leh ya ki kreh wa yatoh wow pynjanai ya ki thaw sumaar wa i rukom e sumaar ha Ri-loom Garo waroh kawi.

Related posts

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Pynbna ka VPP ya ki kyrtong MDC ha ka JHADC wa KHADC

November 13, 2024

Ha ka yalang da ban joor wow pynsñiawthooh ya ki paidbah ha ki thaw palatsor yei emkaam wow e tika khamtam kiwa palat 45 snem wow wan ki chaphrang wow chim ya i tika yada.

Chooh chooh da ban joor leh yei emkaam wow e tika ya kiwa palat 18 snem wei emkaam u pyntip ya ki yei emkaam u chim ya i tika wei mynnu u poi ki dawai hapoh jylla, heiwa u Conrad da pyntip u wa chwa wow kut u bnai daw poi biang kini ki dawai.

Hadien ka yalang, u Conrad da yachem u wa ki sahep yong ki chnat krehkaam waphær waphær ha Tura heiyatoh wa i pynmiat ya ka Tura, ka Medical College, wa kiwi ki kreh ha ki thaw uiñke suwari wa ki thaw yalehke ha West Garo Hills heiwa da phah ya ki chnat wow kreh ki khlem sangeh khnang wow ye u pyndep ya ki kreh ha i por wa biang. 

U Conrad da kyntu u leh ya ki bor district wow pynkhreh ya i lehkmen ya ka lyngkhooh snem wa 50 ka jylla deiwa kyntu ya ki paidbah wow pynmiat ki ya ki kynroh, wow e rong ya ki yung, wow pynkhooid ya ki chnong wa kiwi kiwi. 

Ha kani ka sngi u Conrad da lai pait u leh ya i kreh ha u sarok wow lai cha Jengjal Cryogenic Oxygen Plant wei da lai pait u leh ya ka COVID-19 War Room ha Tura heiwa da ekti u leh ya 2 tylli ki Ambulance wa ki Oxygen Concentrators cha ki bor ka District.