Ynne ka sngi u montri rangbah ka jylla, u Conrad Sangma da booddien u yei long i man wa i pynkhreh wow yakhun ya ka khlam ha Williamnagar, East Garo Hills deiwa lai pait ya ki thaw sumaar wa kamjooh i em ki Oxygen wa ki pyllong.
Ha kani ka sngi da em leh ka yalang hapyrdi ki bor District wa ki sahep na ka chnat i chait i khiah heiwa da kyntu u ya ki wow pynkrehkaam ya ka Containment lada emkaam wei wow pynkhlan ya i e tika khnang wow pynduna yei ktah kani ka khlam.
Neiliang u Conrad da ong u wa na ki 44 ngut kiwa dang chah ktah ha ka khlam hapoh ka District, em uwi uwa em hapoh ka thaw sumaar.
Katkam wa man hapoh ka District dadep e tika hadooh 89.80% ya kiwa kreh ha i chait i khiah kamjooh kiwa kreh haphrang dooh kiwa da yoh ya i dawai ha ka sien wa nyngkong (1st Dose).
Da kyntu u leh wow pynchlur wow e tika khamtam ya kiwa 45 snem chajrong.
Chooh chooh da yachem leh wa ki heh niam wow pyrkhat kammon wow yakhun ya ka khlam ha ki tayaw wow wan.
