Booddien u Conrad yei pynkrehkaam yaka MOTHER App wei yei duna kiwa yaleh Aadhaar hapoh ka jylla

Ha ka chi snem chiteiñ wa da lai, u montri rangbah ka jylla u Conrad Sangma da pynman u yei booddien yei krehkaam ya ki Scheme sorkar lyngba ki Review Meeting wa waroh ki Deputy Commissioner wa kiwi ki sahep sorkar ka jylla chisien chibnai haka sngi wa ar ka tayaw uwi pa uwi u bnai.

“I da leh i ya ini kattu la 18 bnai wei i thong wa kongsan kini ki Review Meeting wa leh lyngba ka Video Conference toh yow pyntikna wa ki Scheme wa i pynkrehkaam ya ki nadooh na tre na thied kam ha ki Block wa ki District. I biang i yaklam hapyrdi ki bor District wa ka sorkar man ko kawa emkaam.” da ong u Conrad.

Da pynman leh yaka yaklam du wa ki DC namo ka ‘DCs’ Conference’ chisien 3-4 bnai wei ya kani da pynman ha Tura ynne ka sngi yow booddien yei pynkrehkaam yaka MOTHER App wa ya i pynpsiah pyrtuid hapoh u Aadhaar hapoh ka jylla.

Heiyatoh waka MOTHER App (Meghalaya’s Outcome Oriented Transformation in Health, Nutrition, Education and Rural Development App) da yaklam chaphang kiwa boon ki manbei wa punkhon kiwa ym yoh yei myntoi wa toh u yoh ki iwa da wanrah yei dooh yei mynsien yong ki. I thmu yong ka MOTHER App toh wow pynduna ya ini i dooh yei mynsien wei yow pynyoh ya i myntoi wa toh u yoh ki yow kha khon ki hapoh ki thaw sumaar. Kamwa man kattæ kiwa kha khon hapoh ki thaw sumaar hapoh Meghalaya man ko kamwa du 50-60%, iwa duna bha wei ka thong toh wow pynku ya ini cha ka 80-90%, wei yow ye u leh ya ini emkaam wow booddien yaki manbei wa punkhon yow tip ya ki Doctor wa ki ASHA wa pait ya ki hadooh kiwa yah kari Ambulance kiwa toh u kit ya ki, heijooh i por leh yow em kiwa ha yung ha sem kawa punkhon yaki Phone Number yong ki. Ya ini waroh ye u leh lyngba ka App ka wow pyllang ya ini waroh. Kani ka App daw pyntip ko leh cha waroh ki Doctor wa ki Deputy Commissioner chwa wow kha khon kamwa 2-3 tayaw chwa.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Heiyatoh won wa u Aadhaar, ka Meghalaya da man ko ka jylla wa ar na tre dooh hapoh ka ri yeiwa boon kiwa em Aadhaar. Hapoh ka jylla kiwa em Aadhaar toh 29.3% katwa ka Assam 17% neidaw ka NRC. Deiwa kheiñ waroh ka ri, kiwi ki jylla da em ki 50% katwa ki jylla ka North East da em ki 70-80% kiwa da thap pyrtuid. Kamtæ da phah ya u Chief Secretary, ki Deputy Commissioner wa kiwi ki sahep sorkar wow krehchitom ki yow pynku ya ini yow poi kyrdan wa kiwi ki jylla.

U montri rangbah da kytnu u ya ki paidbah ka Meghalaya wow ya krehlang neibhah deiwa em Aadhaar Card daw yoh ki chiboon ki myntoi na ki Scheme.