Booddien u Hek yeiwa kular ka sorkar pyrdi chwa ka Election MLA ya ki paidbah ka jylla

Shillong: U montri ka sorkar jylla wa pait ya ka tnat i chait i khiah, u A.L. Hek ynne ka sngi da yachem u ya u montri ka sorkar pyrdi wa pait ya ka chnat poisa (Finance Minister) u Arun Jaitley ha nongbah New Delhi wow kyrpaad ya oo wow pynneh ya ka yung krehkaam Chief Commissioner of Customs wa CGST ha Shillong.

U Hek da ekti u leh ya ka chithi na u montri rangbah ka jylla, u Conrad K. Sangma hajrong ini i kyrpaad.

Heiyatoh wa ini neiliang u Jaitley da kular u wow puræ wei wow bichaar bniah ya kani ka kaam.

Kam wow pynkynmoo heini ka sorkar jylla da e ko i thaw wa heh kamwa 15 acre wow chna ya kani ka yung krehkaam ha New Shillong Township.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Heijooh i por neiliang u Hek da kyrpaad u na u Jaitley yeiwa emkaam u pynmiat ya ki sarok ki luti syngkieñ wa kiwi kiwi neibynta wow pynkhreh ya ka National Games 2022 hapoh jylla.

“U Jaitley da phah u ya ka sorkar wow pachat (propose) yeiwa emkaam ka chnat yalehke wei da kular u wow kheiñkor yeini khnang wa kani ka lympung yalehke u man ko kawa jop” da ong u Hek.

Ha kani ka jooh ka sngi u Hek da yachem u leh ya u montri ka sorkar pyrdi wa pait ya ka kaam uiñke suwari, u Alphons Kannanthanam wow kyrpaad wow pynlait ya ka poisa wa T. 70 klur hapoh ka ‘Swadesh Darshan’ scheme, kawa da pynbna chwa ka Election MLA ha Meghalaya.

“Ki heh niam na ki Balang Christian wa Seng Khasi da yachem ki wa nga wow paan yarap wow pynmait ya ki thaw niam hapoh jylla wei neiliang yong nga da kyrpaad O wow pynlait ya ka poisa kamwa da kular cha ki paidbah ka jylla” da ong u Hek deiwa pynrap wa u Alphons da ong u wow phah yeiwa emkaam.

Also Read: Wan thooh bniah ki seiñ niam ya ka poisa wa kular ka sorkar pyrdi wow pynbha pynmiat ya ki thaw mane blai