Shillong: U montri ka chnat Revenue and Disaster, u Kyrmen Shylla ynne da booddien u chirup wa ki sahep ka chnat heiyatoh wa i ktah ka la-ær wa u slap ha u Naitung (April), 2020 iwa da jia ha West Khasi Hills, kamjooh ha Ri-loom Garo.
U Joint Secretary, Revenue and Disaster Management da pyntip u wa ha ka 21 Naitung da dat u pyrthat ha Mawkadiang, West Khasi Hill heiwa ki ar ngut ki bru wa kynthup ya u Phuldaris Marwein wa u Horbinus Jyrwa da khlaad ki pyn ha i thaw wa jia wei da mynsoo leh kattu katni ngut ki bru, heiwa da e T. 4,00,000 cha kiwa hayung yong kiwa da khlaad.
Ha ka yalang da hukum ya ki sahep ka chnat wa ki Deputy Commissioner wow man ki kiwa husiar wei kiwa da pynkhreh lada jia iwon iwon i chah ktah ha ki bor ka rymaw.
U Kyrmen leh da pynsñiaw u yei mynsien wa kmen wa da leh ka chnat heiyatoh wa i yakhun ya ka khlam u COVID-19 ha ka jylla heiwa da pyntip u wa da pynlait ya ka poisa cha ka chnat wa ki District da man i T. 3,33,43,275 wow pyndap yeiwa emkaam lada emkaam ha ka yakhun ya kani ka khlam.
Discussion about this post