Ynne ka sngi u montri ka chnat Revenue & Disaster Management ka jylla, u Kyrmen Shylla chirup wa u DHS(MI) u Dr. Aman War da booddien ki yei man i long ka khlam COVID-19 ha East Jaiñtia Hills District khamtam ya ka thaw sumaar 100 Bedded Hospital Khliehriat.
Ha ka yalang da booddien yei man i long ki thaw sumaar heiwa u Dr. Aman War da kular u wow pynjanai ya ki thaw sumaar hapoh ka District.
Heiyatoh wa ka Oxygen, da pyntip wa i kreh ha ka Oxygen Plant kawa em ha 100 Bedded Hospital Khliehriat u man ko kawa da pyndep u chna chwa ka 5 Naiynru, 2021 heiwa da e leh ya kawi ka Ambulance ha kani ka thaw sumaar wei da yooluti wa daw wanrah chooh ya kini ki kari.
Heiyatoh won wow pynku kyrdan ya kani ka 100 Bedded Hospital cha ka Civil Hospital, u Kyrmen da kular u ya u Director wa daw pynyoh thaw neibynta ini wei dang yaklam leh wa u DC hajrong ini i jooh i kaam.
U montri da pynsñiaw u leh yei sñiawngooh wa i e khublei ya kiwa kreh hei chait i khiah khamtam kiwa em haphrang dooh yong ka District.
Da kitbok kitrwiang u leh ya kitu kiwa yoh ya uni u khñiang wow yoh smat ki yei chait i khiah, da kyntu u leh ya ki paidbah wow man ki kiwa yaichah wei kiwa ngait sneiñ wow bood ya ki kyndon wa da booh ka sorkar heiyatoh wow khang yei poor ka khlam COVID-19.