U montri yada ri ka India, u Rajnath Singh ynne ka sngi da booddien u yei man i long ha khappood Ladakh ha ka yalang wa man ha South Block heiwa da emlang u Chief of Defence Staff and Secretary Department of Military Affairs u General Bipin Rawat, u Chief of Army Staff u General M M Naravane, u Chief of Naval Staff u Admiral Karambir Singh wa u Chief of Air Staff u Air Chief Marshal RKS Bhadauria.
U Rajnath Singh da pynsñiaw u yei mynsien wa khia heiyatoh wa i khlaad ki chipai ka ri ha ini i yachoh ha khappood.
Da ong u leh wa ka ri ymye ko wow mylliñ ya ki chipai wa chlur ka ri kiwa da dooh yei mynsien yong ki. Da ong u wa ka ri waroh emlang ko wa kiwa hayung hasem kini ki khlawait.
Neiliang u montri ki kaam pohyung ka ri, u Amit Shah da pynsñaw u yei mynsien wa khia hajrong i khlaad kini ki chipai ka ri.
