Boodein ka FKJGP yei dooh tulop kiwa kreh Health Department

Jowai: Ka seiñ Fedaration of Khasi Jaintia and Garo people (FKJGP) Jaiñtia Hills ynne ka sngi da lai yachem ki ya u District Medical & Health Officer (DMHO) ha Jowai hei yatoh wei dooh tulop kiwa kreh ka tnat Health nadooh ki Nurse deilang wa waroh kiwa kreh ka Health ha ki ar district ka ri-loom Jaiñtia kattu la soo bnai.

Hei yachem ka seiñ wa u DM&HO u Dr. I. Tongper da  pyntip u wa neiliang yong ka office yong oo da dep thoh ki cha ki bor wa haneiñ tangwa ym pu em yoh jubab ki la chi bnai kattu.

Hachwa ini i yachem wa u DM&HO ka seiñ da dep yachem ko wa u Treasury Officer ha District yow yoh yutip wa bniah hei yatoh wa ka Employment Database kawa pyllai ya ki tulop kiwa kreh ha ka hapoh ka sorkar ka jylla Meghalaya khamtam kiwa kreh hapoh ka tnat Health.

U Treasury Officer da ong u wa kiwa boon kiwa dooh tulop toh kiwa kreh hapoh ka Maternal Child Health & Family Welfare (MCH&FW) hapoh i pyllai ka sorkar bei na Delhi. Da ong chooh chooh u leh wa ym em ka mang poisa ya ki hapoh ka Budget Fund yong ka sorkar jylla wei heijooh i por leh ki Medical Institution wa pyllai da ka sorkar jylla leh ym em yoh tista ki ya ka tulop wei ka wa ktah bha ko ya kiwa kreh yong ka.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ya ka tulop yong kiwa kreh MCH&FW toh da bahkhlieh da ka sorkar bei na Delhi kamwa 90% katwa ka jylla won da e ko 10%.

Neiliang u President ka FKJGP-JH da ong u wa yoosar kamwa pait chiliang yeini i e tuolp heiwa kiwa kreh ka MCH&FW biang hi yoh tulop ki ha kiwi ki District ka jylla, katwa hapoh ri-loom Jaiñtia won dooh lut ki ki. Kini kiwa dooh tulop da em ki kamwa ar spah ngut.

Kamtæ ka seiñ da rai ko wow yachem wa u Director of Health Services Shillong, wa u Montri ka tnat ka Health Department yow chem tre wa ileh wa dooh tulop kiwa kreh hapoh ri-loom Jaiñtia.

“I leh ka sorkar ym pyrkhat ko ya kiwa kreh kiwa pyndap pynbiang yei wa emkaam kaam kam ki nurse wa kiwi kiwa kreh ha ki CHC, PHC, SC kiwa ym em de u yoh ya ka bai lai bai wan cha ki thaw kreh yong ki? Heijooh i por leh ini i dooh tulop ktah joor i ya ki paidbah wa chaniah ya kani ka tnat”  da ong u President FKJGP Jaintia Hill u T. Lytep.