Shillong: U MLA ka Jowai uwa man leh u Chairman ka Meghalaya Commission on Resource Mobilization, u Wailadmiki Shylla ha kani ka 24 tarik da khut yang u ya ki sahep ka Public Health Department (Electrical Division) wow booddien ya i kreh ya ka Renovation of Jowai Water Supply Scheme namo ka scheme saam um neibynta ka chnong Jowai kawa da sahteiñ waroh chi kattu.
Ha kani ka yalang da emlang ki heh ka PHE (ED) kynthup ki ya u Executive Engineer, Jowai Division u Paul Synnah wa kiwi kiwi heiwa u Wailadmiki da ong u wa da chimkhia bha u ya ki wa sahteiñ ha waroh ka Constituency nadooh chwa wow man u kam u MLA wei kawi na kini toh ka Scheme saam um hapoh Jowai.
Neiliang ki sahep ka chnat da ong ki wa MePDCL da pynbiang ko ya ka bordiñ wei sah wow pyrchang pyngkrehkaam (test) ya ki kor wa em ha ki Pump House wa em ha Sohmynting.
Chooh chooh da pyntip ki leh wa wa i kaam wa sah toh i kreh wa kynthup ya i booh pipe namo wa tip leh kam ka Construction of Raw Water Pumping System, Laying of Raw Water Gravity Feeder Main, wa kiwi kiwi ya iwa da ekti wow kreh da ka M/s MECH MAT wei kani ka company katni ymem de pynyoo ko ya ki dak wow kreh ya kani ka kaam hajrong wa da pynkynmoo ya ka dei langer da ka chnat ya ki kaam wa dang sahteiñ.
Katwa kamtæ ha ka yalang da chim ya ka rai wa neibynta i myntoi ki paidbah ka Jowai ka chnat toh u thooh laad ko wow leh yeiwa emkaam khnang wa ym sahteiñ ki kaam deiwa ekti noh yei kreh ha kiwi tawon.
Hadien ka yalang neiliang u MLA da phah u ya ka chithi cha u montri ka chnat PHE, u Samlin Malniang wow kyntu ya oo wow chimkhia ya ini i kaam khnang wow ye u pyndep noh ya kani ka scheme.
Kam wow pynkynmoo heini wa ha ka 14 Khonchonglad 2018 da pynman ya kam kani ka jooh ka yalang hapyrdi u MLA ka Jowai wa ki heh ka PHE ha Circuit House heiwa ki bru na ka M/s MECH MAT ym em u wan ki.
Discussion about this post