Ka sorkar Meghalaya ynnin ka sngi haka yalang ki montri sorkar (Cabinet Meeting) da mynjur ki wow pynkylla yaka Meghalaya (Sales of Petroleum and Petroleum Products including Motor Spirit) Taxation Act (Assam Act No. IX of 1956 as adapted and amended by Meghalaya), deiwa booh sa ka dan (Cess) wa 10 Paise ha i Petrol wa i Diesel wa dai hapoh ka jylla.
Ya ini da leh neidaw wa da pynkrehkaam yaka Meghalaya Electric Vehicle Policy 2021 ynnin ka 5 tarik kawa daw sdang krehkaam nadooh ka 01-04-21 wei hapoh ka Sub-clause (a) ka clause (ii) ka para7.7- kam chibynta ki thong wow pynchlur namo i e yarap (Incentives) hapoh ka Policy, kamtæ da wanrah sa kawi ka dan (Cess) wa 10 paise chi litre i Petrol wa Diesel wa dai hapoh ka jylla.
Ka sorkar da ong ko wa emkaam wow pynmih poisa yow pyndap poisa yeiwa da booh thong yow pynkrehkaam yaka Meghalaya Electric Vehicle Policy, 2021, kamtæ hajrong ini da wanrah yaka Meghalaya (Sales of Petroleum and Petroleum Products including Motor Spirit) Taxation Act (Assam Act No. IX of 1956 as adapted and amended by Meghalaya) Amendment Bill, 2021.
