Booh dor ki District Panel nadooh ka bai cha dud cha soo hadooh ka bai chim wai kari heipor Election

Kam chibynta wow pynkhreh ya ka Election Lok Sabha, neiliang ki District Poll Panel kiwa boon ki jylla da booh ki yei dor ki mar wa hap u pynlut yow ye u kheiñ katwon da pynlut heini i por wa pynman Election.

Ki kyrtong ha Jalandhar, Punjab ye ki wow pynlut deiwa kheiñ yaka chai hei dor wa Rs. 15 chi khuri wei da booh leh yei jooh i dor neibynta u Singkara wa ye u e cha ki paidbah heipor wa pynman yalang yalap Election.

Ha Mandala, Madhya Pradesh ya ka cha da booh hei dor wa Rs. 7 chi khuri wa Rs 7.50 uwi u Singkara kiwa man ki baam wa khlan dooh u saam heipor wa pynman yalang hapoh ka ri.

Ha kiwa boon ki jylla wa kynthup yaka Andhra Pradesh, da booh ya ki kyrtong wa yaleh Lok Sabha wym toh u pynlut ki palat Rs. 95 lak. Tangwa ha kiwi ki jylla wa rap khian kam ha Arunachal Pradesh, Goa wa Sikkim, yeini da booh Rs. 75 lak uwi u kyrtong kamjooh ya ki Union Territory ini man ko nadooh Rs. 75 lak hadooh Rs. 95 lak uwi u kyrtong deiwa kheiñ yei heh i thaw.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Ha Jalandhar, ya u Chole Bhature da booh Rs. 40, i doh blang Rs. 250 chi kilo katwa i doh syiar won Rs. 500 chi kilo. Kiwi de ki baam kam i Dhodha (Rs. 450 chi kilo), i Ghee Pinni (Rs. 300 chi kilo) katwa i Lassi da booh Rs. 20 chi Glass neitæ ka Nimbu Pani won da booh Rs. 15 chi Glass.

I dor ka cha da booh rap duna iwa Rs. 5 chi khuri ha Balaghat, Madhya Pradesh katwa u Singkara won Rs. 10. Ha Balaghat hi da booh leh yei dor i Idli, Sambhar Vada wa Poha-Jalebi hei dor wa Rs. 20 katwa u Dosa wa u Upma da booh Rs. 30.

Ha Thoubal District ka Manipur, ka cha, u Singkara, Kachori, Khajur wa Gaja da booh hei dor wa Rs. 10 iwi. Ha Tengnoupal District ka Manipur hi, ka cha soo da booh dor Rs. 5 katwa ka cha dud won Rs. 10. I doh rapasa da boh Rs. 300 chi kilo, i doh sñiang Rs. 400 chi kilo wei kiwi de ki doh wa da booh dor toh i doh syiar (Broiler), ki jait dakha kam ka Rohu, Mrigal wa Sareng.

Ha Chennai, ka cha da pynku na Rs. 10 cha Rs. 15, u Coffee na Rs. 15 cha Rs. 20, katwa i Chicken Biryani da pynhiar na Rs. 180 cha Rs. 150 hawa nujor wa snem 2019.

Ha Gautam Buddha Nagar (Noida/Greater Noida), ka Vegetarian Thali da booh dor Rs. 100, u Singkara waka cha chi khuri da booh mar Rs. 10, u Kachori Rs. 15, u Sandwich Rs. 25 wei chi kilo u Jalebi hei dor wa Rs. 90.

Ha North Goa i Batata Vada da booh Rs. 15 wei i jooh ya u Singkara waka cha katwa u Coffee won Rs. 20.

Da booh leh yei dor chim wai ya ki kari syad dor, ki bus yow kit bru, i pynemkaam Helicopter, ki Sofa, ki Farmhouse, ki syntu, ki Cooler wa Tower AC.

Da em ki Poll Panel kiwa da booh yei dor ki lama wa kiwi de kiwa da pynwandur hei dur ka Party.

Kiwi de ki dor wa da booh kynthup hadooh katwon i bai chim wai ya ki Hall, ka bai thaw sah, ka boi Hoarding, ki Flex, ki kot lakdop wa kiwi kiwi de kiwa da saam wei pynemkaam heipor Election.