Booh ka KHADC da ka Recruitment Committee wa laitlooid yow khooid i rukom thung kreh

Ka Executive Committee (EC) yong ka Khasi Hills Autonomous District Council (KHADC) da thung ko da ka Recruitment Committee yow pyntikna wa i thung kreh u man i deiwa hok hapoh ka District Council.

Ya ini i rai da pynbna da uwa e ktien ka Executive Committee ka KHADC, u Powel Sohkhlet uwa man leh u Executive Member (EM).

Hawa klam cha kiwa thoh khubor, u Powel da pyntip u wa ha ka Recruitment Committee daw em 3 ngut ki dkhot (Member) kitæ u Chairman, u W. Khyllep uwa man kam u IAS uwa da chong-ngiah, u Prof. LS Kassah wa u Dr. PS Nianglang uwa jooh man kam u sahep sorkar uwa chong-ngiah uwa pliah bha heiyatoh wa ki Service Rules yong ki chnat krehkaam ka sorkar waphær waphær chirup wa u Joint Secretary ka KHADC wow man kam u Member Secretary ka Recruitment Committee.

U Powel da khana u wa ka EC daw pynkhreh ko ya ki kyndon (Terms and Reference) kammon ka Recruitment Committee u krehkkam ko.

Related posts

Dawa ka PSM na u DC wa u SP wow booh Infiltration Check Gate ha u sarok Jowai-Dawki wa joor psiah tooh ki Bangladeshi

September 22, 2026

Yap uwi wei mynsoo joor ka kurim hadien wa chah tyrrah ka Scooty ha ka Thar

September 22, 2026

Da ong u wa ka EC kwah ko wa kani ka Recruitment Committee u man ko kawa laitlooid wei ka wym embynta wa ka EC khnang wa i krehkaam u man ko kawa lai bait lai ryntih khlem iwon iwon i chah kdoh kyndon.