Ka sorkar Meghalaya lyngba ka Social Welfare Department da pynbna ko wa katkam ka Rule 10 (1) ka Transgender Persons (Protection of Right) Rule 2020, deiwa mynjur u Lat ka jylla da thung ya ka Welfare Board for the Transgender Persons neibynta ki le snem yow yada yei hok wa iwa emkaam kiwa man kam ki Transgender kamjooh wow yarap pynyoh ya ki Scheme neibynta yong ki.
Kani ka Welfare Board toh kawa da krehkaam nadooh uni u bnai heiwa da thung da u Commissioner & Secretary ka chnat Social Welfare kam u Chairperson, u Director ka Social Welfare kam u Member Secretary deilang wa 13 ngut ki Member na kiwi ki chnat sorkar.
I kaam kani ka Board toh wow pait yei pynkrehkaam ya ka aiñ Transgender Persons (Protection of Rights) Act, 2019 wa ka Transgender Persons (Protection of Rights) Rules, 2020 wei kamjooh i yoh myntoi na ki Scheme sorkar nadooh iwa yatoh wa i chait i khiah, i thaw sah, ka puræ puthi wa kiwi de.
Hap ki wow pyntikna leh wym em i chah lehbeiñ ki Transgender ha ki yung ki sem, ha ki thaw kreh wa ha ki thaw piadbah weiwa ki Transgender Identity Certificate wa da e da ki District Magistrate toh u man ki kiwa krehkaam hawa yaleh ki ya ki Scheme sorkar .
Discussion about this post