Jowai: Ka Dorbar Pyllun yong ka chnong Sohphoh, West Jaiñtia Hills District Meghalaya, kam chibynta wow wanrah yei chongsuk chongsaiñ wa i bhai miat da rai ko wow booh da ki kyndon waphær waphær neibynta ki bru namo ki kyrtong wow wan yalap Election hapoh chnong Sohphoh kam chibynta i pynkhreh neibynta ki Election 2019.
Ka chnong Sohphoh pdiang sñiawbha ko ya waroh ki kyrtong wa ki seiñ (party) kiwa kwah wow wan pynsñiaw ya ka thong wa i thmu yong ki neibynta ka Election hapoh chnong wei da chah du 3 (le) tylli ki kari khian neibynta ki kyrtong wa kiwa bood, heipor wa pynman yalang namo ka yalap Election hapoh chnong.
Ka chnong da khang ko leh wa ymhoi u rah namo wow dih kyiad wa kiwi ki jait dih pynmuaid hapoh chnong wei wow pynheh sur heipor wa lai luti.
Lada chem ya kiwa leh pyrchah daw pynchitom ya ki katkam ki kyndon ka aiñ wei da kyntu ya waroh wow krehlang ki chirup wa ka chnong.
Discussion about this post