Jowai: Ka Dorbar Shnong Khimusniang (DSK) da booh ko da ki kyndon aiñ wow khang pyrchah ya ki kam sih, ki rukom yah Kari/Bike wei wow man leh kiwa lehkhooid hapoh u pood u ang ka chnong.
Neiliang ka chnong da khang ko wa ymhoi u chong dih kiad, dih drug, dih bhang wa kiwi ki jait dih pynmuaid hapoh kari namo wow chong ha ki thaw wa doom namo wow yakhle wow yachoh næ maisih maisang hapoh u pood ka chnong.
Ka chnong da khang ko ya ki kari næ ki Motor Bike wow yah ha ka speed wa palat 30Km/hr, ym chah ya ki kari ki bike wow lai neutral ki deiwa tympleh light hei miet, kamjooh da khang keh ya kiwa yah Bicycle hei miet.
Da khang leh wow tem sur yongheh næ pyndait da ki Woofer kamjooh leh ya ki Silencer kiwa heh i ood, da khang leh wow pynyieñ kari næ Bike ha ki thaw wa thoh No Parking.
Neibynta wow wanrah yei khooid i jngiar ha ka chnong waroh kawi da khang wow nohjhep kat chawa chem.
Kiwon kiwon kiwa tyngkheiñ ya kini ki kyndon, lada kiwa na chnong namo na baar daw chah pynchitom kikatkam ki kyndon ka aiñ.
Discussion about this post