Williamnagar: U Montri Rangbah ka jylla u Dr. Mukul Sangma da booh moo-yurim u ya u sarok wa jrong 54 Km wa tip kam u Rongjeng-Mangsang-Adokgre (RMA) Road ya uwa da yoh poisa na ka Non Lapsable Central Pool of Resources (NLCPR) ynnin ka sngi.
Ha kani ka sngi da emlang leh ka montri ka School Education & Literacy Minister Deborah C. Marak, ki Parliamentary Secretary u Cherak W. Momin wa u Sengnam Marak, u MDC u Rambrai-Jyrngam K.S. Marbaniang, u East Garo Hills Deputy Commissioner u Ram Kumar wa kiwi kiwi.
U Dr. Sangma hei klam da e khublei u ya ki paidbah kiwa yajan wa ka West Khasi Hills wa yoh ki T. 210 klur deiwa ong leh wa manda dep uni u sarok ki bru daw ye ki u pynemkaam ya oo khamtam manda lai ki cha Williamnagar wa kiwi ki bynta ka East Garo Hills.
Da pynrap u leh deiwa ong wa kani ka project toh kawa heh dooh hapoh ri-loom Garo Hills.
Ka Deborah C Marak nawon hei klam da pynksan ko yei myntoi wa yoh hawa em ki sarok, deiwa e yaroh leh ya u Montri Rangbah wada ye u wow e yeiwa emkam ki paidbah deiwa chna ya uni u sarok RMA Road.
Kiwi kiwa da klam ha kani ka sngi toh u Parliamentary Secretary in-charge PWD (Roads) Cherak W. Momin , u MLA ka thaiñ u Sengnam Marak, u Chief Engineer, PWD (Roads) L.D. Suchiang wa u E.E PWD (Roads) Williamnagar, u Kamal G. Momin.
Discussion about this post