U Montri Rangbah ka jylla, u Conrad K Sangma ynne da booh moo-yurim u ka thaw kreh ka All Garo Hills Multipurpose Cooperative Society ha Babadam, West Garo Hills hei emlang Thomas A Sangma, MLA.
Kani ka kreh u kynthup ko ya ka Multipurpose Building ha kawa daw pynman ya ki esikai nadooh i chet wa i song ya ki mar (Packaging Unit).
Da antaad wa i pynlut wow chna ya kini u man i T. 4.44 klur heiwa ka sorkar jylla u e ko T. 3.30 klur ya ka All Garo Hills Multipurpose Cooperative Society Ltd katwa T. 1.14 klur na ka SFURTI.
Ka All Garo Hills Multipurpose Cooperative Society Ltd toh kawa ha khlieh dooh ki Cooperative Society kawa kreh neibynta i miat i bha ki Cooperative Society ha Garo Hills.
Neiliang u Conrad da ong u wa ka sorkar angnood ko wow pynku ya ki kaam rep wa kamjooh leh ya i miat i bha ki warep wei lyngba ki Scheme ya ki Cooperative Society daw pynkreh leh ya ki kaam psan mrad.
Da pyntip u leh wa ka Paramedical Institute kawa T. 280 klur daw chna ya ka kawa man kawa heh dooh ha thaaiñ mihsngi ka wow em ha Babadam wei dang yang wow yohbor na ka sorkar India.
