Booh Moo-yurim u Zenith Sangma ya ka MFC, wei da saam leh ya ki syiar Kuroiler ha SWGH

Ampati: U Montri ka tnat Sports and Youth Affairs, u Zenith Sangma ynnin ka 2 tarik da booh moo-yurim u ya ka Multi Facility Centre (MFC) wei da saam syiar Kuroiler u hapoh ka Scheme Livestock Mission ha Gandhipara Kasabanagar, South West Garo Hills.

U Sangma hei klam yong oo da ong u wa ka sorkar i thong yong ka toh wow pynbiang yeiwa thrang ki paidbah yow wanrah ya i roi i paar wa man solansar. Ka MFC toh ka rynsan wa phær heiwa daw e ki i sikai wa ha rukom yow pynbniah ya ki sap ki paidbah kiwa ye u e khih e khan ya ki paidbah.

Chooh chooh da ong u wa lyngba ki Vocational Trainings & Workshops wow pynman ka sorkar ya kiwa da dep seiñ khih daw yarap ya ki wow pynku chooh chooh yei khih yong ki lyngba i krehlang wa kiwa boon ki tnat ka sorkar.

Da pyntip u leh wa ya ka MFC ye leh u pynemkaam ya ka heipor wa khawai bia, ki yalang yong chnong wa kiwi kiwi de ki jait yalang.

Related posts

Ki paidbah pynbor ki ya kiwa mihkhmat wow wan cha ki yalang tangwa chah khñium won lada pynemkaam Siren: Paul

November 18, 2024

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Heiyatoh won waka Livestock Mission, u Sangma da ong u wa ka sorkar jylla da sdang ko ya kani ka scheme khnang wa kawi pa kawi ka manyung u ye ko u pynmih poisa deiwa psan syiar, psan sniang wa ki masi pynmih dud.

Ha katai ka sngi u Sangma da saam u 560 tylli ki syiar Kuroiler cha ki 6 tylli ki Self Help Group kani ka thaiñ heiwa kawi ka SHG da yoh ko 90 tylli ki syiar. Da e leh ya ki tiar e baam e um ya ki syiar.

Da ong u leh ya kiwi ki SHG wa dang sah daw e yei bhah yong ki ha kini ki tayaw wow wan.