U Montri Rangbah ka jylla, u Conrad K Sangma deiwa emlang u Symbood Montri Rangbah, u Sniawbhalang Dhar wa ka MLA ka Sutnga Saipung, da wan u cha Latyrke, East Jaiñtia Hills ynne yow booh mooyurim neibynta ki kaam pynroi kiwa da chongdor hadooh Rs. 412 klur.
Kini kynthup ki yei pynchna ya u sarok Dkhiah-Sutnga-Saipung-Pala hadooh Semmasi uwa chongdor Rs. 355 klur.
U chna pynbha pynmiat wei pynkhlan ya u sarok Dkhiah-Sutnga-Saipung-Moulsei-Halflong Road hei lut wa Rs. 10.3 klur yow pynsuk yei lai cha ka kchaaid Chympe.
Sa kawi won toh yow chna pynmiat ya u sarok Sutnga-Khaddum hei lut wa Rs. 46.75 klur
U Conrad hawa e yei klam da khana u wa hadien wa pynlait ka Finance Ministry ka sorkar pyrdi ya ka Rs. 2500 klur lyngba ka Additional Externally Aided Project wa e da ka World Bank heiwa ya kani toh kawa da e pyntam lyngba ka Finance Minister ka ri hadien wa kmen ko u yoo yeiwa dadep pynkreh ka sorkar jylla.
Kamtæ da ong u wa mar ya yoh ya kani ka poisa, ka nyngkong dooh ka bru wa kynmoo u toh ka MLA ka thaaiñ, ka Santa Mary Shylla kawa da pynkynmoo ma pykynmoo ya oo yeiwa emkaam ya kini ki sarok wei oo leh da kwah u lada ym ye u leh ya kiwi ki kreh ya ini ym hoi u dam.
Da pyntip u leh wa dadep wow khut Tender ya ini i kreh wei da yooluti wa ha ki 45 sngi wow wan daw ye wow e yei kreh wei mar ya rang i bneiñ yow sdang noh u kreh.
Discussion about this post