Ynne ka sngi, ka Jaintia Students’ Movement (JSM) da pynman ko ya ka rah lama rong yong namo ka Peaceful Black Flag Protest ha chnong Kongong heipor wa u Montri Rangbah ka jylla Meghalaya, u Conrad K Sangma dang lai luti u cha East Jaiñtia Hills lyngba u sarok NH-6.
Ini i rah lama rong yong da pynman da ka rukom wa jai-jai yow pynsñiaw yei eh yong ki paidbah wa im-ja nei kaam tih mooyong wei khayi mooyong ha Jaiñtia Hills.
Lyngba kani ka yakhih, ka JSM da dawa ko na ka sorkar Meghalaya wow wai biang yei tih mooyong hapoh ka jylla, u pynduna yei heh ka thaw tih mooyong na ka 100 Hectare cha ka 4 Hectare khnang wow suk ki tre khyndaw wa kiwa tih mooyong kiwa khian wow tih katkam ka aiñ.
Chooh chooh da ong ka JSM wa i emkaam wow em hadooh 100 Hectare neibynta u yoh u tih mooyong man iwa eh bha ya kiwa boon ki tre khyndaw wa kiwa tih mooyong iwa da wanrah yei dooh i duk wa i eh ya kiwa boon ki manyung mansem.
Ka seiñ da pynsñiaw ko wa boon ki paidbah ha ri Jaiñtia da im ki nadooh nachwa da ki kaam tih mooyong, tangwa i pynslem ka sorkar wow thooh ki laad ki luti da ktah joor ko yei yoh i kot ki paidbah.
Ka JSM da dawa joor ko na ka sorkar Meghalaya wow chimkhia ya ini iwa da dawa kamjooh u pynkreh chisiendon ya ka Policy kawa e laad ya ki duk ki suk, ki khian ki nai wow ye ki u tih mooyong.
Discussion about this post