U Montri Rangbah ka jylla, u Conrad K. Sangma ynne da ong u wa ka sorkar da yaleh ko wow pynboon yei ye u pynmih dud hapoh ka jylla lyngba ka ‘Dairy Mission’, deiwa krehlang wa ki Dairy Cooperative Society wow pynchlur ya i kaam psan mrad wei ya ini da ong u heipor wa booh ya u mooyurim ya ka Dairy Complex ha Ganol, West Garo Hills District.
Kani ka Dairy Complex toh kawa T. 10.52 klur wei u chna ya ka lyngba ka National Programme for Dairy Development (NPDD) ka sorkar India kawa da e T. 9.15 klur katwa ka Milk Producers Union of West Garo Hills da e ko T. 86.27 lak.
Kani ka Complex daw ye ko wow pynmih hadooh 10,000 litre i dud chi sngi heiwa ha ka yung warim ha Ganol da pynmih du 1,000 litre chi sngi.
Da pyntip u wa kani ka Dairy Complex daw em ka thaw pyndait-thah, wow song wei wow pynlai yaw ya i dud.
U Conrad da ong u wa kamwa 50% i doh ha jylla kam i doh sniang, blang, masi wa kiwi kiwi da wanrah na baar jylla wei emkaam wow pynboon wei wow pynchlur ya i kaam psan mrad.
Da ong u wa lyngba ka Dairy Mission kawa T. 215 klur daw ye chooh chooh u yarap ya kiwa psan mrad wa ya ki Cooperative Society.
Da pyntip u wa ka Piggery Mission toh kawa heh dooh ha ka ri kawa T. 209 klur, ka Poultry Mission kawa T. 120 klur, ka Goatry Mission T. 75 klur du neibynta uni u snem.
Puræ leh: Daw chna noh ya ka Dairy Campus ha Mukhla kawa T. 9 klur ka wow yoh kreh ki 2000 ngut
