Shillong: U montri rangbah ka jylla, u Conrad K Sangma, ynne da booh mooyurim u yong ka State Zoo ha Umtrew, Ri Bhoi heipor wa pynman ya ka Valedictory Function ka Wildlife Week 2019 hei emlang u montri ka chnat Forest & Environment Department, u Lahkmen Rymbui.
U Conrad da ong u wa kam kiwa chong chnong toh u em i yei bahkhlieh ha kam kini ki por wa da sdang kylla i pyrthai.
“I kylla wan i wei emkaam wow man i iwa yaryngkat wow yada ya ka rymaw,” da ong u, deiwa pynrap wa ka jylla man ko kawa da kyrkhu wei mahajon bha ko ha ki khloo wa ki sim ki doh wa em ha ka.
Da ong u wa kani ka Zoo daw wailaad ko ya ki paidbah wow yoo ya ki jait mrad wa em hapoh jylla.
Neiliang u Lakhmen Rymbui da pyntip u wa kani ka thaw heh ko kamwa 72 hectare wei da thied ya kani ka thaw ha u 2001 wei neiliang ka Central Zoo Authority da ebor ko wow chna ya kani ka State Zoo wei da booh thong wow pyndep ya ka ha u Duyatra (Jan) 2022.
Ha kani ka sngi da saam leh ya ki khusnaam cha kiwa jop ha ki yakob wa pynman kam chibynta yong ka Wildlife Week.
Discussion about this post