Booh mooyurim u Conrad ya u sarok Nongstoin-Mawiet uwa jrong 23 Km

U Montri Rangbah ka jylla, u Conrad K. Sangma deiwa emlang ki MLA wa kynthup ya u Gigur Myrthong wa u McMillan Byrsat deilang wa ki heh sorkar da booh ki ya u mooyurim ynne ya u sarok Nongstoin-Maweit Road ha ka yalang wa pynman ha Maweit, West Khasi Hills.

Uni u sarok wa jrong 23 Km toh uwa da chna hapoh ka Meghalaya Integrated Transport (MITP) wa kyrchaan poisa na ka World Bank. Uni u sarok toh uwa sdang nadooh na Riangdo hajan ka yingkieñ wa em ha ka wah Nongdein ha Nongstoin wei daw kut hajan ka yingkieñ wa nyngkong ha i bynta u sarok Nonghyllam-Maweit wa lai lyngba ka chnong Nongpyndeng, Mawlait, Nongthraw, Wahlyndoh, Nongsbah, Mawdong wa Miangshang.

I chna ya uni u sarok kynthup ko yow pynheh ya uwa da em chwa uwa man kam u Single Lane wei i lut dapoi i T. 98 klur wei daw chimpor 36 bnai u pynchna.

U Conrad hawa e yei klam da ong u wa kani ka thaaiñ toh kawa da chah ieh beiñ da slem wei da sñiawkmen u wa kani ka sorkar kawa katni da ye ko wow pynmankaam yeiwa angnood kiwa chong chnong iwa la 50 snem deiwa klam leh yei por wa wan u cha kani ka thaw ha u 2017 yow chimbynta ha ka ICYM Conference heiwa da yoo u hadooh katwon da neh u sarok khlem chna da ki phaw snem.

Related posts

Deiwa khut ka ISI lai u Gaurav Gogoi cha Pakistan: Himanta

May 18, 2025

Kyrpaad u Himanta wym toh u emlang u MP ka Assam uwa jooh lai cha Pakistan ha ka All Party Delegation

May 17, 2025

Da ong u wa deiwa em ki sarok wa bha daw wanrah ko leh yei roi i paar wa kamjooh leh i ku ka khayi pateiñ wei kam ka sorkar da ngait ko ya ini kamtæ da chimkhia ko wow wanrah ya ki sarok wa biang.

Kamtæ da ong u wa ka sorkar leh da booh bhah ko chiboon ka poisa yow pynchna ya ki sarok ka West Khasi Hills kamjooh ka jylla waroh kawi.

“Da kynjooh T. 1000 klur ka poisa wa da pynlut yow chna ya ki sarok ha West Khasi Hills. Chiboon ki sarok PMGSY wa ki National Highway kiwa da chah ieh khlem da chna da boon snem tangwa kani ka sorkar kawa katni da pynkylla ko ya ini deiwa yoh chiboon ka poisa lyngba ka CRF wa RIDF wa na kiwi ki Scheme ka jylla,” da ong u Conrad.

U Conrad da yaroh u leh yei kreh chimtom u MLA ka thaaiñ, u Gigur Myrthong wow booddien wa kini ki kreh wa emkaam ki paidbah toh kiwa lai chakhmat.

U Montri Rangbah da kular u leh ya ki paidbah ka thaaiñ wow chimkhia yei dawa pynku kyrdan ya ka Maweit PHC cha ka CHC.