Booh mooyurim u Conrad yaka Bulk Water Supply Project yow pynpoi umkor cha ki 41 tylli ki chnong

U Montri Rangbah ka Meghalaya, u Conrad K Sangma ynnin da ong u wa ka jylla emkaam u ku ka GDP ko da 11.5% chi snem yow poi cha ka thong kawa 10 Billion US Dollar Economy ka u 2028. 

“Kamwa man kattæ ka yaaw ka haat toh kawa Rs. 45,000 klur wei da emkaam wow pynkut yeini wei da man ko leh ka thong kawa heh bha yaka sorkar, tangwa da booh ki luti yow poi cha kani,” da ong u heipor wa booh ya u mooyurim wa Rs. 100 klur neibynta ka Bulk Water Supply Project ha Ballonggre, Tura.

Kani ka Rs. 100 klur toh kawa da e da ka Ministry of DoNER hapoh ka North East Special Infrastructure Development Scheme (NESIDS). Wei manda pyndep u chna daw pynpoi umkor cha ki 41 tylli ki chnong wa em hapoh ka Rongram, Rerapara wa Gambegre Block ka West wa South West Garo Hills District wei heijooh i por daw pynku ko yei poi umkor cha Tura. 

Kamwa man kattæ yaka um cha kini ki chnong toh kiwa pynpoi lyngba ka Tura Urban Water Supply Scheme wei hapoh kani ka Scheme wa thymme daw taan um naka wah Ganol heiwa daw chna leh ya ki Pump House, ki thaw pynlang um (Reservoirs), ki thaw pynkhooid um (Treatment Plant), ka thaw taan um, ki thaw sah ya kiwa kreh wa kiwi kiwi de.

Related posts

Ka sorkar ymtoh kawa ye hi-eh ka KSP wow maham: Sniawbhalang

December 21, 2024

Da u waheh chnong uwa man leh uwa yahkhmat seiñbalang sai kyrtong MDC ka Namdong

December 21, 2024

Da pyntip u wa chwa u 2019, ka chnat PHE da booh bhah ka poisa kawa Rs. 50 klur hapoh ka mang tangka tangwa katni won da ku cha Rs. 3000 klur.

Ha kani ka yalang da wai paidbah leh yaka MegARISE ha Tura kawa man ka Scheme yow yada ya ki tyllong um.

Da khana u leh wa ka sorkar jylla da ya krehlang ko waka KfW (German Development Bank) yow pynkrehkaam ya ini wei daw pynmyntoi ko ya 106 tylli ki chnong deiwa booh ya 39 tylli ki Micro-Watersheds hajang ki tyllong um wei u pynkrehkaam yeini ha ki 7 snem deiwa booh bhah ka poisa kawa Rs. 344 klur kawa daw pynkrehkaam da ka Meghalaya Basin Development Authority (MBDA).

Ha kani ka jooh ka yalang da wai u leh ya 13 tylli ki Arecanut Processing Unit hapoh ka Meghalaya NEXT, da wai leh yaka CM Connect 1971 Helpline ha Tura wei da saam ka poisa kawa Rs. 65.36 lak cha kiwa chong chnong hapoh ka Payment for Ecosystem Services hapoh ki tyllong um ka wah Ganol.