September 1, 2020
Advertisement
U National President ka National People’s Party kamjooh u Meghalaya Chief Minister u Conrad Sangma, da booh u ya u mooyurim yaka yung krehkaam wa thymme (Office Headquarter) ka Party ha Shillong ynne ka sngi.
Ya ka yalang booh mooyurim da leh deiwa sakhi lang u NPP State President kamjooh u Rajya Sabha MP, u Dr. W.R. Kharlukhi, u D.D. Lapang, Chief Adviser, ka sorkar Meghalaya, u Baldith Sangma wa kiwa ksohkaam ka National Committee ka Party.
Neiliang u Conrad K Sangma da klam u yei dooh noh ya u bru rangbah ka kaam saiñhima uwa da e chiboon wow pynchna pynwandur yaka ri heiwa da pynman leh yaka suki kiaw chi minit kam wow burom ya u President warim ka India u Pranab Mukherjee.
U Conrad Sangma da klam u leh chaphang kammon krehlang u Pranab Mukherjee wa u pa u da boon snem deiwa ya burom kylliang uwi ya uwi.
U Chief Minister da klam u leh wa kammon ka National People’s Party man ko kawa embhah wow yoh ya ini i thaw wow chna yaka yung krehkaam wa thymme wei da yooluti wow pyndep hapoh 12-14 bnai.
U Conrad Sangma da pyntip u leh wa ha ini i jooh i por da booh mooyurim leh ha Tura wa Imphal.
