Booh mooyurim u Conrad yow chna pynheh pymiat yei saam umkor ha Umpling wa New Shillong

U Montri Rangbah ka jylla, u Conrad K Sangma, ynne da booh u ya u mooyurim yow pynheh pynmiat yei saam umkor namo ka Augmentation of Water Supply Schemes neibynta ki chnong ka New ShillongTownship, Mawdiangdiang, Mawkasian, Mawpdap, Diengiong, Mawlong, Siejiong wa Tynring. Da ya emlang leh wa u MLA ka Mawryngkneng, u Pyniaid Sing Syiem wa kiwi de.

U Conrad hawa e yei klam da ong u wa ka jylla nadooh u 2018 chwa u sdang ka Jal Jeevan Mission, da sdang wow pynkhai im ya ka chnat PHE. “Ha kitu ki por, ka PHE ym em ko i kreh kiwa da em yei thong neibhah i pynpoi umkor cha ki thaw wa em cha palatsor da dep da pynsangeh da ka 14th Finance Commission deiwa pynkylla leh yei bhah poisa wa yoh kamjooh i bhah wa yoh na ki dan ka sorkar pyrdi kamtæ ha itu i por ka PHE ym em poisa de ko,” da khana u Conrad.

Da ong u wa ka Jal Jeevan da man ko i kyrkhu ya ka chnat PHE wei da pynkylla ko leh yei rukom krehkaam ka chnat iwa da pynkylla leh yei rukom im kiwa chong chnong.

U Conrad da khana u leh wa ka Meghalaya toh du ka donhi ka jylla ka wow yoh poisa chooh chooh namo ka Bonus Package le snem khlem sangeh neidaw wa ye ko u dep pynkrehkaam deiwa jop ya ki kreh.

Related posts

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Da kular u leh wa ini i kreh wa katni daw pyndep heipor wa da booh wei da kyntu u leh ya ki sahep wow booddien yei kreh yow pyntikna wa ye u pyndep hei por kamwa da booh. Da khut u leh ya kiwa chong chnong wow ya krehlang yow pynneh pynsah ya ki um ki wah kamjooh ki khloo ki kjam.

“Ka Jal Jeevan toh neibynta waroh wei kiwa chong chnong leh emkaam ki wow ya krehlang yow man ko kawa jop wei kawa neh,” da ong u.

Ha kani ka sngi da emlang leh kiwa yahkhmat ki chnong, u MDC ka Laitumkhrah, u F J Lakadong wa u Commissioner & Secretary ka PHE, u Syed Md Andaleeb Razi.