U Montri Rangbah ka jylla, u Conrad K Sangma ynnin ka sngi da booh mooyurim u yow chna ya ka Multipurpose Indoor Stadium ha Lawsohtun hapoh Mylliem Constituency deiwa emlang u MLA ka thaaiñ, u Hamletson Dohling uwa man leh kam u Montri ka chnat C&RD Block deilang ki sahep ka chnat Sports, PHE, PWD wa kiwa chong chnong ka Lawsohtun.
U Conrad hawa e yei klam da ong u wa ini toh iwa da angnood da ki paidbah ka Constituency da slem wei da booddien yeini da u Hamlet wei kattu daw man ko ka kyrkhu ya ki paidbah khamtam ki khynroo.
Ya kani ka Indoor Stadium u chna hei lut wa T. 8.7 klur deiwa pynlut 50:50 heiwa chiteiñ toh ka poisa na ka ‘Khelo India’ katwa chiteiñ won naka sorkar jylla.
Neiliang u Hamletson Dohling da ong u wa kani ka sngi toh ka wow sahkynmoo ya ka Lawsohtun neibhah yeini da dawa da slem bha da ki paidbah khamtam ki khynroo wei kamwa man leh ki bru wa boon dooh hapoh Lawsohtun toh kiwa dang khynroo hi. Kamtæ da yooluti u wa kattu daw ye ki wow pynyoo yei sap i thap yong ki ha kiwa boon ki liang.
