Booh mooyurim u Lahkmen yow chna noh ya u sarok Kudengrim-Kundengthymmai hei lut wa palat T. 17 klur  

U Lahkmen Rymbui, uwa man leh kam u Montri ka chnat Kaam Pohyung ka jylla, ynne da booh u ya u mooyurim yow chna ya u sarok na Kudengrim cha Kudengthymmai deiwa emlang u Director ka chnat Tourism, u Cyril V Diengdoh, u Chief Engineer (Standard), PWD (Roads), u B.P. Marak, ka SDO ka Amlarem Sub Division, ka Y.R. Mawlong wa kiwi kiwi de.

Uni u sarok wa jrong 5.14 KM na Kudengrim cha Kungdengthymmai da kyrchaan poisa da ka New Development Bank (NDB) hapoh ka Meghalaya Eco Tourism Infrastructure Development Project (METIDP) hei lut wa T. 17.6375 klur wei daw pynkreh da ka chnat Public Works Department (PWD).

U Lahkmen hawa e yei klam da e khublei u ya kiwa chong chnong kiwa da e yei thaw yow chna ya uni u sarok neibynta i roi i paar ka thaaiñ deiwa ong, “Nga kyrmen O wa uni u sarok deilang wa ar tylli ki yingkieñ daw yarap ki ya waroh kamjooh leh daw pynku ki ya ki kaam uiñke suwari ha kini ki thaw.”

Da ong u leh wa i angnood u toh wow pynbha ya u sarok na Shnongpdeng cha Amkoi yow yarap ya ki kaam uiñke suwari deiwa e thaw kiwa chong chnong. Kamtæ da khut u yei ya krehlang ki paidbah yow pynku ya ka Constituency.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Neiliang u Cyril Diengdoh da ong uwa kani ka thaw toh kawa taan bha ya kiwa uiñke suwari kawa da man chwa kawa miat, kamtæ da pynchlur u ya kiwa chong chnong kani ka thaw wow chim kabu ya ki Scheme sorkar wei da yooluti u wa deiwa chna ya uni u sarok daw yarap ko chiboon ya ki kaam uiñke suwari ha kani ka thaaiñ.

Neiliang u B.P. Marak hawa e yei klam da khana u wa uni u sarok toh uwa daw pynyabi ya ki chong Khonglah, Nongbareh, Amkoi, Kudengrim wa u sarok NH 40(E). Daw pynduna leh yei jngai wow lai cha ka PHC waka College wa em ha Nongtalang kamjooh cha ki yaw wa em ha Dawki wei wow poi cha Shillong. Chooh chooh da ong u wa daw suk leh i kit i bah ya ki mar rep deiwa em uni u sarok kamjooh ya kiwa uiñke suwari yow lai cha ki yingkieñ jri, ki thaw psan dakha wa kiwi de wa ka-it ki bru u lai ha kiini i thaw.

Hawa chna ya uni u sarok daw chna leh ya ki kynroh namo ki Retaining Wall yow pynskem wei daw booh leh 24 tylli ki Hume Pipe wa kiwi de kam ki Signboard yow pynsuk ya kiwa lai luti.

Ya kani ka yalang da pynman da ka Public Works Department (PWD) ha mandabol ka Kudengrim.