Shillong: U MLA, MDC uwa man leh u Chairman ka Meghalaya State Planning Board, u Lambor Malngiang, chirup wa u B.P. Marak, Chief Engineer (NH), PWD (Roads) ynnin da booh u ya u mooyurim wow chna ya u sarok pohchnong uwa 2 km ha Urmasi-U-Joh, Smit.
Ya uni u sarok u chna lyngba ka RIDF-XXV neibynta u snem 2019-2020, hei lut wa T. 2 klur ha ka bynta wa nyngkong wow kynthup wow siang psiang 1.5 km wa 4 tylli ki sarok khian.
U Malngiang da pyntip u wa u sarok ha Urmasi-U-Joh da sah u khlem chna la kamwa 20 snem wei deini i chna pynmiat ya oo daw e mynsien wei daw yarap bha i ya ki paidbah.
Neiliang u B. P. Marak da pyntip u wa da sdang wow e ya ki Tender deiwa kyntu u ya ki paidbah wow man ki kiwa krehlang khnang wow ye u pyndep yei kreh hapoh i por wa da booh.
Ha kani ka sngi da emlang ki sahep ka chnat PWD, u Syiem ka Hima Khyrim, ki Rangbah Shnong wa kiwi kiwi.
