U Symbood Montri Rangbah ka jylla, u Prestone Tynsong ynne da booh mooyurim u yow pynku kyrdan ya ka Tyrsad Sub-Centre cha ka Primary Health Centre ha Tyrsad deiwa emlang u Eugeneson Lyngdoh, MLA wa u L. Blah, MDC.
Hawa e yei klam, neiliang u Prestone da ong u wa deiwa pynku kyrdan ya ka Sub-Centre, ki paidbah ka Tyrsad wa ki thaw wa em chajan daw yoh ki yei sumaar sukhær wa biang.
Da khut u ya waroh kiwa embynta kamjooh ki bru paidbah wow ya krehlang ki wa ka sorkar yow pynbha pynmiat yei chait i khiah hapoh ka jylla.
Da khana u leh wa ka sorkar da booh ko hakhmat dooh yow pynbha ya ki thaw sumaar wa em hapoh ka jylla wei da jied ya ki chnong ki wym biang ya ki thaw sumaar wei daw booh noh ya ki Sub-Centre, ki PHC wa CHC yow myntoi kiwa em ha ki thaw wa em cha palatsor.
