Shillong: U montri rangbah ka jylla, u Conrad K. Sangma ynne da lai u cha Sohiong, East Khasi Hills District, wow booddien yei kreh ka chnat PHE hapoh ka Jal Jeevan Mission (JJM).
Ya u Conrad da synraan da u MLA ka thaaiñ uwa man leh u montri ka PHE u Samlin Malgniang, wa ki sahep ka chnat kamjooh leh kiwi kiwi.
Neiliang u Conrad da yaklam u wa ki paidbah wa toh u yoh myntoi na kani ka Scheme ya kawa da yooluti ki chnong ka thaaiñ da slem.
Hawa pynsñiaw u yei mynsien wa kmen hajrong ki kreh, u Conrad da kyrmen u wow poi ha ka thong heiwa waroh ki manyung ka jylla u yoh umkor ki ha u 2022.
U Conrad da ekhublei u ya u montri rangbahdooh ka ri, u Narendra Modi wa ka Ministry of Jal Shakti kawa da e yarap poisa wow pynkreh ya kani ka Scheme ha ka jylla.
Da pyntip u wa da booh thong hadooh 2 lak tylli ki manyung ha uni u snem (Financial year).
Ka Jal Jeevan Mission toh ka Project wa da e poisa na ka Ministry of Jal Shakti, wow pynbiang umkor wa umdih ha waroh ki manyung ka ri chwa u 2024.
Ka Meghalaya da boh thong ko wa ha u Kmaichonglad (December) 2022 ya ka Functional Household Tap Connections (FHTC) ha waroh ki manyung ka jylla.
Ha kani ka sngi, u Conrad da lai pait u leh yaka Greater Shillong Water Supply Scheme ha Mawphlang wei da yaklam u leh wa ki sahep ka PHE.